De Ministère de l’Éducation nationale, de l’Enfance et de la Jeunesse organiséiert all Joer e Virliesconcours, an dat schonns zënter 2006. D’letzt Joer konnt also schonns den zéngte Gebuertsdag gefeiert ginn. Dëse Concours stellt ee Volet vun der Liesfërderung duer a riicht sech un d’Schu?lerinnen a Schu?ler aus dem Cycle 4. Wann am Ufank d’Schu?lerinnen a Schu?ler sech konnten e Buch fräi auswielen, sou gëtt et vun 2013 un en Thema, ëm dat sech d’Geschicht aus dem Buch muss dréinen.

D’Iddi vum Virliesconcours ass, eng Méiglechkeet ze schaafen, wou all d’Kanner vu enger Klass sech mat Bicher beschäftegen, an der Bibliothéik stöbere kënnen, vill Geschichte zu engem Thema kenneléieren a sech druginn, schéin an däitlech virzeliesen.

Virliesnomëtteg Schoulkanner aus der Regioun, Ministère de l’Éducation nationale de l’Enfance et de la Jeunesse, Gemeng Miersch
Më 16.03.16 | 14:00

Halleffinal Virliesconcours Ministère de l’Éducation nationale de l’Enfance et de la Jeunesse. D'Halleffinal fënnt zu Lorentzweiler statt.
Fr 13.05.16 | 14:00

Final Virliesconcours Ministère de l’Éducation nationale de l’Enfance et de la Jeunesse
Dë 28.06.16 | 14:00

Jiddereen ass häerzlech wëllkomm, d’Finale zu Miersch lauschteren ze kommen vun 14:30 - 18.00 Auer.

Weider Informatiounen: script@men.lu