Spektakel

Um Stamminee *NEI DATUMER*

Fir dem Auteur säin 100. Gebuertsdag - e Réckbléck op Liewen a Wierk.
Mierscher Kulturhaus, Centre national de littérature, Centre national de l'audiovisuel, RTL

 
© Pierre Weber

26.09.2020 | 20:00
27.09.2020 | 18:00
29.09.2020 | 20:00
30.09.2020 | 20:00
04.10.2020 | 18:00

Ticket 36,00 €
RBS 24,00 €
12,00 €
Kulturpass 1,00 €

 
 

Den Ticketing ass momentan nach net prett, awer d'Ticketen déi Dir fir d'Virstellunge vu Mäerz kaaft hat bleiwe gëlteg. Mir update reegelméisseg. Merci fir Äert Versteesdemech.
------------------------------------------------------------------------------------
Um Stamminee ass en Hommage un de Pir Kremer awer keng Biographie vum Auteur. Mat senge Stamminee- a Revue Texter, Lidder a Gedichter gëtt e Stéck Lëtzebuerger populär Ënnerhalungsgeschicht ausgegruewen, analyséiert an aus dem Bléck vun haut verständlech gemaach. Mir zeechnen e Gesellschaftsportrait duerch de Mond vum Satiriker!

FC Schinnegebess oder Ran an de Goal, Dem Tobby Säin Hobby an den Hunn Op Der Bunn, all dës beléifte Lidder verziele vun engem Liewensgefill, vun där neier Fräizäit an deene ville Veräiner, déi deemols entstane sinn. Bei äis doheem an der Familjen, Ech Sin Up-To-Date oder Ech brauch kee Mann besangen dat neit Fraebild a verspotten deem Léiwe Männchen seng Naupen. Am Lidd Et Ass Eriwer verzielt de Pir Kremer, wéi 1967 de Militärdéngst ofgeschaf gouf a mat der Ballade De Massaker op der neier Bréck hëlt hien d’Verkéiers-Situatioun beim Pole Nord op d’Schëpp. De Spektakel respektéiert dem Auteur seng Texter a Gedichter a sicht mat gesonder Distanz de Sound vun de 60er a 70er Joren artistesch a musikalesch anzefänken.

Creation

Collage a Regie Claude Mangen
Text an Dramaturgie Sarah Rock
Musikalesch Leedung an Arrangementer Georges Urwald
Regieassistenz Christophe Bleser

Et sangen a spillen
Jeff Elcheroth, Véronique Kinnen, Deborah Marinkovic, Rafael Parrinha
PIK Band
Saxophon Jessica Quintus Trompett Gilles Burgund Kontrabass Tom Wiot
Perkussioun Max Sauber Piano Georges Urwald

Bün Jeanny Kratochwil
Kostümer Ulli Kremer
Mask a Coiffuren Béa Stephany
Habilleuse  Henriette Hengen

Fotoen Pierre Weber

Produktioun Mierscher Kulturhaus
Mat der frëndlecher Ënnerstëtzung vun RTL


RTL

53, rue G.-D. Charlotte
L-7520 Mersch
Tél.: 26 32 43-1
info@kulturhaus.lu